AGA嘆香港地下樂隊冇場地表演

歌手AGA（江海迦）出席有關街頭表演活動，她透露未入行前曾自組樂隊，試過在中環街頭賣唱，她說：「都會去啲畀Band表演嘅場地唱歌，不過每次唱完個地方都會執。」隨即表示香港沒有場地供地下樂隊演出，她說：「已經買少見少。」

AGA透露當年在街頭表演不時遭警察驅趕，她說：「依家好似冇趕得咁勁，有時都會停低聽吓歌。（依家夠唔夠膽喺街頭唱歌？）因為我唔識彈結他，如果遇到合作開嘅音樂人一齊玩都可以。」

對於環球與無綫再為合約鬧反，身為環球歌手的AGA說：「每間公司都有佢嘅機制、原則同諗法，我會尊重公司決定，最緊要做好自己。（冇得上一個平台宣傳會好蝕低？）每個平台都好重要。」並透露稍後會和ViuTV合作為音樂會拍攝特輯。