蕭定一捧8歲Celine 打造最年輕紅館開騷

20160522
東網電視
更多新聞短片
蕭定一(中下圖)與年僅8歲的Celine(左上圖左)及其父親譚順生(左上圖右)簽約進軍樂壇。

蕭定一(阿一)公司與年僅8歲的譚芷昀(Celine)及其父親譚順生簽約,力捧父女倆齊齊進運樂壇,阿一承諾今年內會為Celine推出新歌,而簽約儀式上,Celine與師姐鄭欣宜合唱大熱新歌《女神》,搏得全場掌聲。師兄王完堯則送上「私家咪」作為禮物,寓意Celine於樂壇大放異彩!

阿一對Celine感自豪

事後Celine在阿一陪同下接受訪問。談到簽約年期,阿一謂:「我簽個個都唔要求好長約,做緊要大家合作開心,就自然會留低。我喺一個慈善活動上認識Celine父女,覺得呢個細路女唱得好好,況且佢係土生土長嘅香港人,我覺得好驕傲,嚟緊佢會唱兒歌、大人歌雙線發展。」他又謂有信心打破鄧紫棋(G.E.M.)紀錄,讓Celine成為開紅館騷最年輕歌手,又指同一時間與兩父女簽約,覺得二人合唱默契十足,而且可引發無限商機。

被Celine歌藝吸引

鄭欣宜亦被Celine的歌藝吸引:「我喺佢呢個年紀,只係發現自己鍾意表演,直至13歲先知自己鍾意唱歌,希望佢繼續努力啦。」即將於月底生日的欣宜又搞笑問記者意見:「我嚟緊有4日假,好想陽光與海灘,預我一個人去,你哋話去邊好?」而王宗堯則表示有意於電影方面與Celine合作。