譚芷昀勁唱得 獲封新小巨肺

20160522
東網電視
更多新聞短片
譚芷昀喺爸爸嘅薰陶下,細細個就好鍾意唱歌!

今年8歲嘅譚芷昀(Celine)就讀英基學校,自小就係爸爸兼歌唱老師譚順生薰陶下,對音樂產生好大興趣,譚爸爸話Celine未出世嗰陣,已經係肚入面聽佢唱震音,仲話Celine兩歲時已經唔鍾意聽兒歌,專攻巨肺型嘅歌,好似One Direction同Justin Bieber等等。譚爸爸有見及此,所以就畀Celine選擇唔同嘅流行曲,訓練到Celine唔用肺而係用肚皮運氣唱歌,原來等佢唱歌嗰陣唔好周身郁。

唱《You Raise Me Up》成名

年紀小小嘅Celine,自3年歲開始就歌唱經驗豐富,譚爸爸就帶Celine喺港鐵站唱歌,翌年就已經中環港鐵站已經舉行迷你個唱。幕前表演經驗豐富嘅佢,最勁同為人熟識都係前年Celine 7歲時,喺《中國新聲代第二季》憑一首《You Raise Me Up》唱到街知巷聞,除被歌手茜拉點名讚賞,其短片點撃率喺內地已經過億萬次瀏覽,而香港仲有成一千零四十萬次瀏覽。而佢巨肺高音同爆炸力嘅唱功,獲網友封為「新小巨肺」,自此經常中港兩邊走登台唱歌,其中更在2014年參加無綫台慶演出。

衝出亞洲

去年Celine成功打入才藝真人騷比賽《全英一叮》(Britain's Got Talent)第二階段賽事,喺佢首次衝出亞洲,參加國際性比賽,超過過億嘅人睇到佢嘅演出。連英倫小天后「小康妮」Connie Talbot當年都係憑呢個節目唱出個未來!而佢去年亦獲美國NBC電視台邀請,出席名嘴Ellen DeGeners監製節目《LittleBigShot》做表演嘉賓。

妹妹叫Dion

譚芷昀視歌手Celine Dion為偶像,平時仲好識養聲,好似食雪糕、飲冰水同食薯條,而譚爸爸幫佢改咗英文名「Celine」,而同佢同月同日出世嘅妹妹仲改名叫「Dion」,譚爸爸話希望有日如果兩姊妹同台演出,司儀就可以叫「Celine Dion上台」,十分搞笑。