百萬簽約 8歲譚芷昀恨同張智霖合唱

20160522
東網電視
更多新聞短片
蕭定一睇好譚芷昀呀!

年僅八歲的「香港小巨肺」譚芷昀(Celine)與聲樂博士父親譚順生出席《Celine加盟GME China簽約儀式》,以七位數字酬勞加盟,老闆蕭定一計劃將她捧做新天后,超越G.E.M.成為紅館開個唱最年輕女歌手,可謂前途無限!

沖涼都唱歌

Celine與父親齊齊接受電話訪問。講起唱歌,Celine即眉飛色舞,直言能為唱歌放棄美食:「如果要比賽,之前每日都要練習,我唔會食糖、雪糕、雪條、炸雞、飲凍嘢。(冇得食係咪覺得好慘呀?)如果好想食,唱得好之後就有得食一、兩條嘅!」譚父表示對Celine從不體罰,會以獎勵方式鼓勵她練歌,Celine笑言就算洗白白都會不停唱。

譚父認為訓練小朋友練聲特別困難,尤其教她運用聲帶肌肉及練感情,幸女兒甚有天分,問Celine有否為練歌而喊?他說:「佢有喊過嘅,有時練四、五個鐘都未達到要求,會好攰。」Celine說:「我記得我有喊。(放棄?)冇!因為我鍾意唱歌,Never Give Up!(永不放棄)」

讚張智霖好帥!

講到已簽約做歌手,Celine雀躍表示「好開心、好期待」,最想到美國及英國演唱,問到喜歡哪些歌手?她即一輪嘴講出Celine Dion、Adele、Taylor Swift、張學友、容祖兒、張智霖(Chilam)及G.E.M等歌手名字,對於成為Chilam師妹,Celine搞笑地說:「好開心!我知佢係邊個,想同佢合唱。(覺得Chilam哥哥點?)靚仔!好帥(突然轉講普通話)!」問到會否想拍戲?人細鬼大的Celine認真地說:「要揀,我唔會拍恐怖嘅戲,要開心、健康嗰啲。」她又主動提起Chilam早前為卡通片配音,希望可跟對方合作配動畫,非常可愛!

最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!

最強娛樂APP「東網巨星」下載連結:
http://on.cc/redirect/entertainment