生日飯食足1星期　周秀娜等待新戀情

藝人鄧麗欣（Stephy）、樂基兒（Gaile）、周秀娜（Chrissie）、孫佳君、何傲兒、火火等，出席電影《女士復仇》開鏡儀式，期間劇組送上壽包給昨日31歲正日生日的周秀娜補祝生日。

周秀娜接受訪問時，表示今個星期有很多朋友請食生日飯，笑言要食足一個星期。問到收到甚麼生日禮物，Chrissie透露有追求者送上禮物：「送咩就留喺心入面啦，暫時未有適合嘅對象。（有幾多個追求者？）唔講有幾多個啦。」

已成功放下舊愛

談到今次在戲中飾演小三兼女飛賊，Chrissie直言想練出鋼條身形。至於戲中涉及多角關係，問到可有勾起任何不快回憶？她說：「過咗去嘅嘢，都勾唔起㗎啦，已經埋葬喺泥底，依家等待緊小苗。（追求者呢？）相處吓先，要多啲時間去了解，要睇吓對方有冇心思去發展。」