分居老公想復合?風騷林雅詩:唔知呢

20160524
東網電視
更多新聞短片
咦~~林雅詩答得咁含糊嘅?

藝人林雅詩及「亞視暖男」黃守東等,出席程芷渝主演新片《忍不住的眼淚》煞科宴。林雅詩表示正忙於籌拍自己半自傳式微電影,並謂碌爆人情卡,邀來好友張文慈、黃建東及李逸朗等參演:「故事係講我未結婚前嘅愛情故事,三角關係後總括一句『嫁錯郎』,不過係女仔都想搵過家底好啲、穩陣啲嘅…(會爆料?)我想拍出嚟澄清一啲誤會。(唔驚前夫詐型?)佢有打過嚟,問我係咪一定要講晒啲家事出嚟。(唔驚影響囝囝?)佢反而話想拍埋一份,話要做番我個仔,我就解釋番畀佢聽,個故事發生喺媽咪結婚之前㗎。」她又再次表示一早已下離婚協議書,但分居老公仲未肯動筆。問到是否有人想復合?她答:「唔知呢!」

程芷渝則表示今次拍《忍》片,要親眼目睹戲中男主角離世,心情很沉重:「講我係男主角嘅女友,去求演醫院院長嘅宮雪花去救佢。(喊得出?)嗰排好攰,好彩啲對手好,令我容易投入狀態。電影方仲想拍第二部,會搵高皓正同蔡少芬客串。」

至於同場的黃守東則「報喜」表示自己已找到新工作:「喺義工團體度做住先,我都好掛住你哋(指娛樂記者),可能會安排啲活動搵藝人幫手。」