盧覓雪孖反串阮兆祥演姊妹鬥忍笑

藝人伍詠薇（伍姑娘）及以反串造型示人的盧覓雪（Michelle）出席手機程式活動，兩人之前分別與林敏驄及阮兆祥（祥仔）拍廣告，伍姑娘大讚拍檔林敏驄說：「驄哥窒到我開心到飛起呀，佢好堅，唔夠佢嚟。」她又指拍攝前與對方並不相熟：「其實兩人唔識嘅仲好，有咩事可以鬧交走人。佢嗰種冇厘頭會驚架，佢唔係尖銳嗰啲，係慢吞吞嗰啲，再加啲邊緣三級嘢，要消化三秒先可以追打佢。」她更謂一直希望與這種人合作，因為覺得在世間少有：「轉數快嘅人好多，但佢轉數快得嚟係拖拉慢型，香港冇乜一、兩個，佢應該係第一名。」問到不擔心被林敏驄整蠱？她笑言：「我鍾意畀人整蠱，我係有啲自虐狂！但同佢合作好開心，佢話有機會都想同我拍電影，已經預咗角色畀我！」

熟絡到似連體嬰

而Michelle於廣告中除了與祥仔飾演兩姐妹之外，兩人更會一起反串，Michelle表示兩人經常合作，變得已經非常熟絡：「雖然唔係成日見，但好似啲連體女嬰咁，各自喺唔同家庭長大，三十年後見番咁，好有聯繫性咁，對住佢會玩到癲，開工好似玩咁。」問到拍攝時可會忍不住笑？她指祥仔忍笑比她厲害：「TVB畀佢嘅training好好。」伍姑娘即說：「死喇，TVB train咗我咁耐，我都成日因為笑而NG。」又提議下次交換拍檔，或者四個人一起crossover。