林海峰自爆有「小三」：老婆都知

藝人林海峰（Jan）出席兒童繪畫比賽活動，Jan表示平時在電台開咪是正職，畫畫創作則是「小三」，所以平時會偷偷和「小三」幽會，加上今次是慈善活動，所以會更興奮。Jan稱因以前讀設計，以為會拿畫筆搵食，估不到變了「揸咪」搵食，難得今次機會令他再揸畫筆。Jan又笑問記者是否想知道他可有給兩個女兒看其作品？Jan自問自答謂：「係冇嘅，因為通常都係好嘅唔學，壞嘅學！（學咗咩壞嘢？）公眾場合唔好啦，一陣佢哋睇番報道就唔係幾好啦。」

至於講到太太彭羚，Jan則指現在幾好。問到太太可知他幽會「小三」？Jan笑言：「知架，好公開嘅，我喺屋企嘅角落位，我啲畫簿、畫筆放到成屋，買咗好多，但畫好少。（太太有冇攞嚟畫吓？）太太好忙，好多嘢做。（你畀好多嘢太太做？）唔係，佢係好忙攞住支筆寫低每日做咩，因為我哋每日都題出好多難題要佢解決。」

另外問到兩個女可會給他慶祝父親節？Jan則謂：「吓？嚟緊父親節咩？佢哋應該唔喺香港呀！」講到他七月將在紅館開騷，他表示會一星期後開始「閉關」準備。