李偉健出繪本分享入行趣事玩黑色幽默

曾參加2009年《香港先生競選》及演出無綫長壽劇《愛‧回家》「Terry」一角的李偉健（Kim）早前推出第一本繪本：「呢本書入面所有畫都係講自己拍劇時嘅一啲搞笑經歷，純粹係啲黑色幽默，拎嚟笑吓自己。例如啱啱返工嗰時唔知咁多嘢，接到order叫我返公司再跟車出外景，我搭咗一大輪車返到公司，再由公司出車又搭一大輪去目的地時，發現原來拍外照嘅地方就係我屋企樓下，原本我可能5分鐘就去到嗰個地方而唔使兜成個幾兩個鐘，可能我自己本身又蠢蠢哋，所以特別多呢啲經歷！」

他又提到暫時未有接拍新劇，會把所有心機放到第二本繪本上：「除咗畫嘢出書之外我平時都有開工教小朋友畫畫，同埋亦有train返自己去朋友間拳館教泰拳同健身。嚟緊都計劃緊推出第二本繪本，好開心上一本都賣得幾好，好多朋友都畀返feedback我話覺得內容幾得意，叫我繼續努力畫多啲。」

場地：Partyland