「巨聲幫」梁皓婷做FFx師妹重新出發

曾參加《超級巨聲2》的歌手梁皓婷（Shadow），近日簽約新公司成為組合FFx師妹，她表示一切都是巧合，她說：「其實都係朋友介紹，之後試音，同佢哋傾過覺得同呢間公司諗法好一致，二話不說簽咗。其實之前我都有做吓模特兒同登台，但一直都唔係自己鍾意嘅嘢，我都想有自己歌。」

「復出」樂壇的Shadow，表示現時已重新出發，並坦言已準備再戰樂壇，不過期待卻多過緊張：「年紀同心態上我都ready，但呢幾年汲取唔少經驗，所以而家係期待同過緊張。（曲風？）情歌為主，唔會好似之前咁rock。（之前巨聲幫都拍片放上網，你會唔會？）而家都做緊，都剪緊㗎喇，遲啲會慢慢擺出嚟。（搵埋巨星幫戰友齊齊拍？）都會呀！（同邊個最熟？）吳業坤同李榮耀，我哋兄弟嚟嘅。（成日聚會？）我哋一年都起碼會見一次。」