出道八年！G.E.M.再出鋼琴錄音系列

G.E.M.（鄧紫棋）入行第8年，她一直不斷挑戰自我，剛獲台灣金曲獎公布入圍「最佳演唱錄音專輯獎」及Hito流行音樂獎入圍「最受歡迎女歌手」，G.E.M.說：「確實唔容易，要感激行內嘅肯定同團隊嘅努力，繼續保持初心，呢啲係我日以繼夜練習或者偶爾想放棄時嘅原動力，最重要係希望各方面都繼續進步、成長！」

赴洛杉磯知名錄音室錄歌

G.E.M.推出的鋼琴錄音系列II作品，當中有兩首全新創作歌曲《給你的歌》和《畫》，在製作過程中，只有她和一架鋼琴，她自彈自唱時同期錄音、MV拍攝一氣呵成。這次G.E.M.和製作團隊遠赴美國洛杉磯的知名錄音室「Henson Recording Studios」現場錄製，據知荷里活巨星Celine Dion、Kayne West及Lady Gaga等曾在此錄音。G.E.M.說：「可以喺呢度錄音拍攝係好開心，又覺得好神奇，同一個錄音室裏面曾經有好多犀害嘅音樂人都喺度錄製音樂。先前好似格林美結束後，啲藝人都聚集喺呢度錄咗《We are the world》呢首歌，所以喺呢度有好多好好嘅靈魂同故事。好似彈奏嘅部三角琴都好有歷史。」

推出鋼琴錄音系列，因G.E.M.平時就愛待在琴房為樂，寫歌時的靈感和文字無法表達時，G.E.M.就用鋼琴記錄：「半夜三點情緒泛濫靈感來襲時，會喺鋼琴前寫落好多歌，但從來冇話畀大家知我寫咗啲乜，或是發表過啲歌喺編曲前原來嘅樣貌，所以藉由鋼琴創作呢部份還原呈現畀大家。」