施南生讚羅明珠冇機心：真正開心少女

資深電影人施南生以國際顧問身份赴澳門出席《第一屆澳門國際影展暨頒獎典禮》記者會。談到影展構思，她透露影展請來經驗豐富的Marco Muller（曾任威尼斯電影節總監）擔任活動總監：「影展本身唔係淨係得放電影，仲有競賽部分，可能有講座同工作坊。咁依家第一年起步就當然有難度，但慢慢做落去就有成績！」

談到藝人羅明珠今晨離世，她坦言感突然：「聽講呢幾個妹妹仔好怕我，因為我話要瞓，佢哋話要玩。人生真係無常得好交關、好難過。」雖然有一段長時間未見過對方，但羅明珠在她腦海中留下深刻印象：「佢真係『開心少女』，成日嘻嘻哈哈，佢完全冇機心，有咩都喺塊面Show晒出嚟，好直筆甩嘅一個人。」她又表示昨天才與發掘羅明珠出身的黃百鳴飯聚，並謂：「佢一定會好難過！」對於有指羅明珠因減肥導致心臟出事，施南生表示未有聽聞，並感嘆：「得47歲...佢不嬲好活潑、活躍。」