甄子丹《星戰》獲加戲：可能我做得太好

「宇宙最強」甄子丹與太太汪詩詩一同出席茶葉品牌活動，他認為喝茶是中國人的文化，而且茶很健康，所以經常喝茶。他表示剛完成電影《星戰外傳》拍攝，這段時間都留在香港，問父親節可以一起慶祝？他說：「唔得呀，過兩日又要飛日本做嘢，太太都會一齊去，因為佢都要一齊做。（咁會唔會提早慶祝？ ）其實之後都一路要飛去其他地方拍戲同出活動，遲啲又要返倫敦，因為聖《星戰》要補戲。」

甄子丹謂不想再錯過跟子女慶節日的時光，指自己拍攝《星戰外傳》及《3X反恐暴族3》兩套電影，在外地共逗留了九個月，跟家人分別太長時間。問他可會減少拍戲賺錢而多留時間陪家人？他笑說：「其實都唔係為錢，係時機同機緣巧合，《星戰》係因為仔女鍾意，所以必須要拍，而《3X》就因為角色幾好，好少華人會參演，幾有代表性，我都覺得幾Proud（驕傲自豪）！（已經拍晒？）嚟緊《星戰》要返倫敦補戲，我表現唔失禮，可能因為我做得太好要加戲，套戲12月上畫，依家仲補戲，證明佢哋好重視。」那子女可有預先準備父親節禮物給他？在旁的詩詩即搶答說：「個仔畫咗張卡畀佢，本來未送住，但佢偷睇咗，佢就好開心，但個仔就唔開心，問點解（要偷睇）？」