鄭嘉穎黃秋生都撐　賴慰玲冇諗過上位

藝人賴慰玲到油塘宣傳無綫新劇《純熟意外》，她說：「劇中我再唔係做cute、後生女，而係做Madam，比較貼近番我嘅性格，係tough同型少少，呢個角色可以話同之前嗰啲好唔同。（個劇用嚟『打仗』感壓力？）冇，做演員希望可以做番自己同想做戲啫，做好本份就可以。（傳鄭嘉穎因為讚你，而同無綫高層曾勵珍頂頸？）我唔在場，唔清楚就唔講，但有聽過話黃秋生有讚過我，作為喺電視圈只係拍過幾個劇嘅新人，初出道，讚即係提攜，好興奮。（想乘機上位？）我冇諗過，只係想更好咁發揮自己接到嘅角色，上唔上到位唔係咁重要，唔係我考慮嘅嘢。」