【幾個音變首歌】周杰倫作歌送前世情人
20160530
東網電視
更多新聞短片
周杰倫新歌《前世情人》，係送畀佢嘅前世情人嘅。
一段時間冇出新歌嘅台灣天王周杰倫，尋晚終於上載新歌《前世情人》嘅歌詞版MV，留言話：「有個女孩叫Hathaway 在她四個月大時 彈了一段旋律 我引以為傲 她.......是我女兒」
原來首歌係由Hathaway喺四個月時，對住琴仔亂彈嘅音所作成，連作曲嘅一欄，都寫上「周杰倫、Hathaway」，唔係幾鍾意將囡囡曝光嘅周董，仲好難得咁喺MV嘅尾度放上囡囡「創作」時嘅片段。
唔捨得囡囡嫁人
「前世情人」明顯係講緊佢嘅囡囡Hathaway，歌詞中完全體現出周董嘅父愛，「世界因你而露陽光燦爛的形狀」、「你笑一點一點一滴漾開 一字一句形容不來」、「原來原來原來有妳很驕傲」。雖然囡囡一歲都未夠，但睇嚟周董諗到囡囡將來會嫁人已經開始唔捨得，「我後來會在純白的禮堂 牽好久的手交給另個他」、「遠遠看着你們幸福 像前世我們有過的模樣」。
歌詞冧爆，歌迷聽完都勁感動，有人留言話「我邊哭邊看完了 謝謝杰倫的音樂讓我們參與了你的人生中好多階段 真的好以當你的粉絲為榮」、「Hathaway，妳將會是全世界最幸福的女孩。因為妳的爸爸是周杰倫」。
而新歌有Rap有唱，雖然有人就話周董依然係口齒不清，不過就話咁先係周氏風格嘅歌。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：