拍劇日日喊!李佳芯自爆情緒不穩

20160531
東網電視
更多新聞短片
雖然呢排心情低落,但Ali今日都盡量Keep住笑容滿面。

藝人李佳芯(Ali)到清水灣郊野公園,為無綫新劇《與諜同謀》拍外景,她說:「我拍完呢個劇都要抖吓,休息吓,一嚟我之前拍完《律政強人》,第二日就開呢個劇,二來我喺呢個劇個角色比較沉重,基本上第十集打後,集集喊,自己嘅情緒都受影響,因為今日喊完,聽日又喊,索性就唔抽離個角色住。(想挑戰鍾嘉欣喊包地位?)唔係,每個人演繹方法都唔同嘅。」

問到男友陳炳銓有否投訴她為拍劇搞到情緒低落?Ali說:「我呢排情緒係比之前靜咗啲,事實上都少咗同朋友約食飯,依家完咗都要即刻send message約人,但仲未約到。(男友咁大牌?)咁我有好多朋友嘅,我仲諗住拍完瞓番覺好嘅,同埋想學吓舞台劇,或者跳現代舞。(預埋男友一齊學?)嗰啲舞都冇分男女嘅,有朋友想學都可以一齊,另外,我都諗住同一大班朋友行番山。」