【又整容？】莊思敏赴韓由頭執到落腳

藝人莊思敏（Jacquelin）曾公開承認做過吊線雙眼皮及隆胸，可見其要靚唔要命嘅心有幾強大！出名勤力的Jacquelin要長期開工拍戲不停化妝，又要處理自家生意，睡眠不足致皮膚變差！

急救皮膚

早前，Jacquelin趁有兩日假期，即飛韓國度過牛一之餘，更找來當地一位知名美容院的院長為其肌膚「救亡」。經診斷後，原來Jacquelin有皮膚敏感症狀，院長就為她進行一系列facial治療，效果猶如「還原靚靚拳」，令她馬上靚番晒。

此行Jacquelin在兩日內完成全個扮靚套餐，不單止去美容院急救皮膚，又去髮型屋化個韓妝、set個靚頭，最難得的是能與天團Big Bang及G-Dragon的星級造型師佳穎見面，對方還帶她去時裝店即場教授穿衣貼士，雖然今行沒有艷遇，但都收穫甚豐。

心郁想割雙眼皮

韓國是整形之都，Jacquelin滾水淥腳秘密赴韓，問她會否擔心被誤會去整形？她笑說：「初頭都有啲擔心，所以我將全個去韓國嘅行程都拍低，咁就證明到我今次唔係整容，純粹真係做個facial，見吓啲化妝師同造型師，整吓頭化個妝。」不過Jacquelin亦直認想再搞搞個雙眼皮，她表示：「去到韓國嗰邊同啲美容院長、化妝師傾完之後，我都好想去割雙眼皮，因為自己之前做過雙眼皮吊線，但都已經做咗六年，條雙眼皮都開始dup，依家間中要黐雙眼皮膠紙，都黐到有啲煩，所以好想年尾有時間乾脆去割埋雙眼皮。」