遭奀星新女狂追？Bosco：影吓相啫！

無綫男神黃宗澤（Bosco）自與胡杏兒分手後，桃花甚旺，之前就有指撻着日籍女模JUN，而最新嘅對象就係17歲嘅楊嘉欣。楊嘉欣係乜水？無綫2015年藝員訓練班出身，只係間中客串吓劇集，同埋有喺《Sunday好戲王》中陪吓笑，話佢係四線都談唔上，唔識好正常。

有報道指，喺劇集煞科宴上，依位嘉欣就對Bosco送抱兼又攬又錫，非常主動，之後嘉欣仲將同Bosco嘅合照放咗上網。

《東網》記者就為此致電Bosco，他就否認搭上楊嘉欣，再問到係咪畀楊嘉欣追番轉頭，Bosco就話：「都係慶功宴度影過相啫，咁就畀人寫做新聞喇！」其實Bosco咁靚仔，有女追同被集郵，都好正常嘅！