放心晒！趙頌茹大女獲心儀小學錄取
20160602
東網電視
更多新聞短片
趙頌茹話大女周信希（右）已經喺自行分配學位中獲學校錄取，呢次真係放心晒。
圈中都有很多星級母親好緊張後日小一統一派位放榜，好似林文龍、郭可盈女兒林天若、趙頌茹的大女周信希、麥家琪的兒子Enoch等等，都是今年暑假就升讀小學；本身育有兩個女兒的趙頌茹（Yu），她毋須做緊張大師，因為她的女兒在自行分配學位中已成功獲心儀的小學錄取，麥家琪則形容心情忐忑。
阿Yu的大女信希今年9月就入讀小一，後日小一統一派位放榜，阿Yu表示好安心，因為女兒在自行分配學位中已經獲學校錄取，她說：「嗰間都係我心水，係頭幾位志願學校，所以好開心。」阿Yu表示為女兒遞了申請表後，毋須特別面試，所以當時她與女兒都並不緊張，她說：「只係在揀學校時，係咁諗間學校適唔適合小朋友，因為將來佢入讀咗，就要讀六年，會諗佢鍾唔鍾意，反而嗰時諗到頭都爆，呢個經歷幾特別。」
麥家琪心情忐忑
另一位星媽麥家琪坦言後日與二子Enoch齊齊等待小一統一派位結果，她說：「心情都幾忐忑，盡做啦，希望幫到佢，其實我哋都冇乜壓力，不過我個仔仔自己都擔心唔知會派去邊度讀書，小朋友得六歲咋。」家琪已是三個小孩的母親，她坦言感受到小朋友讀書的壓力，她說：「依家啲小朋友好難做，如果面試後有咩唔足，都會幫佢補習吓，畀啲練習佢改善，見佢都做盡啦，唔好畀咁大壓力佢哋。」不過麥家琪笑言經過大仔及今次二仔的入學經驗，四歲的細女就可以從玩樂中學習。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：