新進女團Bingo唔做比較互補長短

青春是少女的本錢，然而新進女子組合Bingo擁有的不單是年輕活力，還有從小苦練的一身好「舞功」，希望憑這份優勢在樂壇闖出一片天。她們是每位平均年齡只有22歲，成員Carman、Gia、Christy、Odilia和Kylie都是臥虎藏龍，矢言不會互相比較，反而是互相學習，在訪問時更一度互笠高帽！

在新歌《Crush On You》MV中，不難看出她們的舞步零舍齊，原來在拍攝時經歷過兩次通頂，Odilia說：「雖然我哋大家係有舞蹈根基，不過就算我哋各自跳得幾好，整體效果唔齊嘅話，成件事都唔會好睇，所以我哋呢方面下特別多苦功，好多細微位要執。」她們笑言這次拍攝非常深刻，Carmen大爆擅長跳拉丁舞的Christy原來是「鐵人」：「我哋拍咗兩晚通宵，之後佢第二日要比賽，正常人都會好攰啦，但佢竟然喺比賽上拎咗個冠軍。」Kylie也笑指：「佢唔使休息都比賽到！」Christy當然並非浪得虛名，曾代表香港參加東亞運動會，但她仍很謙虛地指多得大家鼓勵。

「大家姐」的Odilia除咗跳舞叻，原來亦能彈得一手好鋼琴，目前已考獲演奏級數。而Carmen則柔軟道特別高，Odilia回想當時對Carmen的第一印象：「我哋幾個女仔未認識之前，去Casting嗰時，撞到carmen，即刻『嘩』一聲，覺得簡直係女神。因為佢跳中國舞，又跳jazz，又做到劈腿！」至於Gia也則是大家眼中最嬌滴滴的一個，她自爆自己把聲似卡通人物，還即場示範卡通聲說出「嗱！等我變身先！」而Kylie曾在紐約修讀時裝設計，對衣着打扮特別有觸覺。五個女生來自不同的背景，因為一次試鏡把她們連在一起，Christy笑言起初大家對彼此很好奇，現在則無所不談：「一開頭唔係好熟，話題主要圍繞跳舞，大家分享唔同自己經驗。依家我哋會講咩？梗係講埋啲男仔囉！」

服裝：Novelty Land

化妝：Kings Makeup

髮型：Chris＠Leighton AVEDA

場地：L Hotel