陳凱琳堅守宗教信仰推鬼片

陳凱琳當選港姐冠軍後，演出機會多又覓得愛郎鄭嘉穎，不過近期就被同屆亞軍蔡思貝急起直追，思貝踩入影圈兼提名金像獎最佳新人，不過Grace原來早已有拍戲機會，只因靈異題材而卻步，然而她未感可惜，反而覺得慢慢來更好。

陳凱琳自2013年摘港姐后冠後機會不斷，甫出道就在劇集《名門暗戰》中飾演重要角色，拍攝《殭》又與鄭嘉穎撻着，愛情事業同樣得意。不過，同屆亞軍蔡思貝就後來居上，劇接劇外更獲拍電影的機會，參演由張家輝執導的《陀地驅魔人》，更因而入圍第35屆香港電影金像獎最佳新人獎，愛情方面亦與舞蹈老師麥秋成漸漸浮面，急起直追似乎要跑贏她。但原來Grace早於當選港姐冠軍不久就獲邀拍鬼片，不過身為基督徒的她就頗為抗拒而推掉，她說：「當時經理人問我介唔介意拍呢類型嘅戲，最後我都推咗！」

冧讚嘉穎錫到燶

談到之前主演的無綫劇《殭》同屬靈異題材，卻又為何會接拍？Grace說：「電影裏面鬼片真實好多，加上電視劇尺度嚟講，唔會咁恐怖！」對於常被拿來與蔡思貝作比較，Grace未有羨慕對方有機會拍戲，反而認為要一步一步來：「一套戲三個鐘，一套劇就三十集，電影係需要個幾兩個鐘就將演技表達出嚟，而TVB係一個好好嘅平台畀我學嘢，所以想一步一步嚟，而且拍戲除咗演技，Timing都好重要！」

自與鄭嘉穎公開戀情後，即使各自出席活動都會被問起對方，Grace就以「好錫我、好體貼、好照顧我」形容男友，談到嘉穎以前傳過不少緋聞，二人拍拖初期可有令父母對他留下不好的印象？她說：「我喺外國長大，唔係好知呢啲新聞，爸爸媽媽見到我拍拖都淨係擔心會影響工作，但後來見到我做嘢就唔擔心！」

服裝：French connectio

鞋履：Kurt Geiger