唔怕同蔡思貝傳緋聞 馬國明恨拍導演版

20160603
東網電視
更多新聞短片
馬國明於新劇中飾演心理醫生。
無綫藝員馬國明與蔡思貝在將軍澳電視城為新劇《心理追兇 Mind Hunter》試造型。在劇中飾演心理醫生的馬國明笑說:「劇本幾有趣,雖然我係心理醫生,但係自己都有啲問題,我同楊明、敖嘉年都有啲問題,就好似三個傻佬去查其他傻佬咁。」
馬國明對上一套無綫劇已經是上年,有傳是續約問題,他說:「冇關係,我仲有約,一路都傾緊。合約未完到係TVB嘅人,唔拍公司蝕底,其實一路都睇緊有冇劇啱。」
幻想女友好少布
劇中湯洛雯飾演馬國明的亡妻,在馬國明的幻想出現,問馬國明有什麼幻想,他笑說:「我幻想嘅女友要好少布,或者拍個導演版淨係我同導演監製睇。」問他可擔心與蔡思貝傳緋聞?他說:「唔怕,阿佘夠犀利啦。劇中佢係同敖嘉年,可能公司覺得佢太細過,我同佢唔襯。」
恨同湯洛雯楊秀惠傳緋聞
蔡思貝劇中飾演社工,角色內斂,熱心幫人,她說:「現實中我都好見義勇為,朋友有乜事都會即刻去幫手。」講到與敖嘉年一對是否不用擔心傳緋聞?她笑說:「咁我同湯洛雯、楊秀惠傳啦,佢哋都好索。」