鄧穎芝買晒機票去越南　唔知要簽證

歌手鄧穎芝（Vangie）跟樂隊Dear Jane的主音Tim及結他手Jackal今晨到香港科學院參加「香港綠色日」3公里賽事，平日有跑步做運動的Vangie起步前預計自己20分鐘內完成，結果她輕輕鬆鬆用了15分鐘就跑完。

唔敢賄賂關員

原本Vangie今晨跑完步後，就直奔機場飛到越南旅遊，不過因大懵沒有申請簽證而取消行程，她笑說：「我上星期五買咗機票，之後先知去越南要攞簽證，但星期六、日領事館又唔開，又冇落地簽證做，啲朋友叫我攝啲錢入passport度過關，話有錢就搞得掂，我唔想畀人拉。」由於她的機票是空姐朋友購嘅特惠機票，只需花費幾百元，所以最終決定取消，她笑言自己好失策。

最想做打女

最近開始練番打拳的Vangie，自覺狀態還未完全恢復，她說：「條腰仲係好攰，可能停咗打拳半年，啲肌肉都要慢慢再操吓。」對ViuTv計劃9月再開拍《G-1格鬥會》第二季，她都有興趣，所以要準備一下，不過有指第二季可能會搵全新女將上陣，她說：「都OK，或者我哋出現吓，幫手同佢哋做吓心理輔導，之前有傳話搵Hidy（余曉彤）一個挑戰我哋8個，我哋打三場都辛苦，一個點打8個。（搵第二季贏咗嗰啲同第一季你啲參加者進行挑戰賽？）呢個都好。」另有指無綫本搵她參與新劇演出，但有指她在ViuTV打拳節目形象太深，結果被飛，她說：「做演員好被動，有機會當然會把握，自己都想拍戲，最想做打女角色。」