闖影壇唔講緋聞　吳卓羲怕冇晒朋友

演員吳卓羲、張繼聰及蔡瀚億等，雲集灣仔稅務大樓外，為寰宇新片《拆彈專家》拍攝一場拆彈戲，劇情與2013年美國波士頓大爆炸案類同，現場有真正拆彈專家「戒備」，更出動多上部「警車」，情況幾可亂真。

去年約滿無綫的吳卓羲一直在內地工作，近日獲《拆》片導演邱禮濤賞識入組，正式加入影壇發展，他不諱言希望今年主力拍攝電影。為演活角色，他事前亦專程去上有關炸藥的理論課，由於今次有機會跟圈中前輩們學習，他打趣即使沒片酬亦無所謂。談到早前的「載女緋聞」，他大方表示：「其實真係冇乜好講，再咁落去會搞到冇晒朋友呀。」

至於張繼聰於戲中扮演一名導遊，為保護旅客而與恐怖份子對抗。問到是否很多拳腳、動作戲，他搞笑謂：「人哋用喺我身上就多。戲裏面我會講多種語言，仲有唔鹹唔淡普通話。（搞笑？）我係好認真去做㗎。」而蔡瀚億則扮演一位全身遭綁上炸彈的警察，他表示希望帶出訊息，警方其實十分願意保護市民。