拍古裝劇獲厚待？蕭正楠低V黃智賢扮糉

藝員蕭正楠、黃智賢在將軍澳電視城為無綫古裝武打喜劇《翻生武林》試造型。夏天拍古裝劇演員可謂苦不堪言，不過蕭正楠慶幸服裝薄兼低V，相對服裝獲「厚待」飾演錦衣衛首領的黃智賢清涼好多，蕭正楠笑說：「夏天拍古裝，歡眾冬天先有得睇，冬天拍跳海戲，啱啱上年我先喺沖繩跳完海，哈哈…不過，今次已經好好彩，服裝薄啲涼啲，心口仲Deep V添，我都驚入廠會凍親，可能大家睇得多女仔『事業線』，想轉吓睇男仔啩。」早前與女友黃翠如到韓國旅行增磅，近期為拍廣告及新劇要減磅，蕭正楠笑說：「相信拍嗰陣咁熱，都唔會點肥。」

而恨拍古裝劇恨到出口嘅黃智賢，着起戲服時真係有啲驚，他說：「為咗有型，只係腰位已經纏咗八層，加埋帽都幾熱，自己好似端午節啲糭咁。（驚唔驚中暑？）已經買定手提風扇、冰涼毛巾、半打底衫替換。（蕭正楠有低胸裝？）可能佢心口靚啦，我黐鬚靚就黐埋鬚，都好羨慕佢。」更自嘲：「蕭正楠見到我已經好安慰，個心都涼咗。」

至於同劇的泰臣與楊詩敏則扮演謝過及小龍姑，單看造型已經夠搞笑。