離開AV界三年　AKB舊將橘梨紗傳賣淫

日本AKB48偶像家族近年接連有舊將投身AV界，除咗中西里菜、成瀨理沙同米澤瑠美，當然仲有近期以三上悠亞之名熱爆AV界嘅SKE48前成員鬼頭桃菜，但唔知大家仲記唔記得高松惠理呢？身為AKB前研究生嘅高松惠理曾喺2013年改名橘梨紗拍AV，人氣強勁，不過推出6張成人影碟後就引退咗，沉寂多時嘅佢，近日竟然驚傳疑似下海賣淫。

事緣有日本網友指喺一個以東京為基地嘅高級賣淫網站上，見到有一位化名井上麻里嘅22歲女生提供「送外賣」服務，兩小時收費高逾5萬港元，而個人檔案顯示佢係主流級女團前成員，擁有E Cup上圍同黑頭髮，網友綜合幾個特徵，話覺得同橘梨紗都幾肳合。雖然唔知道係咪真係橘梨紗，但傳聞被廣泛流傳後，井上麻里嘅介紹頁面已唔見蹤影。

另外，AKB最新一張收錄咗「第8屆人氣總選」投票表格嘅單曲《不需要翅膀》，首周勁賣144.1萬張，達成連續25張細碟首周銷量破百萬嘅佳績。