搵《東方日報》見證婚事 陳少邦年尾擺酒

20160609
東網電視
更多新聞短片
恭喜晒!
講起藝人陳少邦,可能你未必記起他是誰,但一見到他個樣,總覺得熟口熟面好似喺邊度見過。其實他是和林峯、楊怡同屬1999年無綫第13期藝訓班出身,曾拍攝多套無綫經典劇集,包括《洗冤錄》、《創世紀》、《尋秦記》、《男親女愛》、《天與地》等等,常演黑社會大佬等奸角或路人甲乙丙角色。在2011年,他於《回到三國》中飾演「諸葛亮」(林峯飾演)之好友「石韜」,因而與林峯成為好友。他在2012年離開無綫,現時主力返大陸接Job搵銀。加入娛樂圈17年的陳少邦,在今年情人節向拍拖六年的澳門廣播電視主持女友鄭加盈(Rain)求婚成功,一對新人於6月7號(星期二)在澳門正式註冊為夫婦,兩人並會在12月於澳門擺酒,而香港則會於11月設西式喜宴。少邦稱楊怡已答應出席,而林峯則正度期到賀。
生B慢慢嚟
入行17年的陳少邦接受《東網》訪問時稱太太是澳門人,所以在澳門註冊結婚,婚後會先過二人世界和周遊列國享受人生,至於生B計劃則暫時押後,現時以事業為先賺多啲錢。
簽紙冇讀宣誓詞
註冊當日,少邦着到場見證婚事的圈中好友鄭世豪為他拍下一張日子證明的紀念相片,所以拿着一份即日的《東方日報》拍合照作證,相當搞笑!少邦稱當日註冊天氣原本下雨,但影相一刻,卻突然放晴,所以能拍得一張很滿意的照片,不過註冊時則發生有趣小插曲:「簽紙時本來我係好緊張,但係原來喺澳門簽紙,係冇讀宣誓詞,只係由註冊處嘅證婚人去講,之後佢就問我『願唔願意』,我咪答話『我願意』,老婆都諗住有得讀誓詞,最後又係冇得讀!冇咗份緊張(心情)所以冇喊到囉!」
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: