東方日報C1:選港姐未入圍Yoki飯局價20萬

20160612
東網電視
更多新聞短片
未入選已經有咁嘅事?!

今屆《2016年香港小姐競選》日前舉行首輪面試,多位佳麗已被火速起底,其中曾任職now TV節目主持的「C Cup陳自瑤」唐碧霞(Yoki)被起底後,便有內地富豪出手20萬邀請她出席「商務飯局」!Yoki直言會潔身自愛:「無論係幾多錢,都唔會出賣自己肉體!」另外,「導彈律師」Joyce被爆男友是隱形富豪後人,身為她好友的歌手JW(王灝兒)更直言看好她!

戴上象徵「美貌與智慧」的香港小姐后冠,是不少女孩的一生夢想。現年22歲擁有32C、23、33美好身段、現職模特兒的「C Cup陳自瑤」唐碧霞(Yoki),成為港姐便是她的願望,更曾在2013年參加工展小姐選舉小試牛刀。直到去年其姑媽離世,才激發Yoki鼓起勇氣追尋夢想報選港姐,日前才出席完港姐首輪面試,Yoki已火速被起底,還被內地富豪開價20萬出席飯局!

「蝕底」後學精

前晚Yoki在Facebook上載收到該邀請電郵的截圖,內容為「請問有內地商務飯局工作怎麼聯絡你?客戶開價20萬!」Yoki留言以正視聽:「請不要再發這類型的訊息給我,謝謝!」不過她隨後刪除貼文。事後她接受本報電話訪問,坦言對此感到非常氣憤,因為對她太不尊重,並說:「我一見到都有啲驚,因為最估唔到係對方知道我E-mail,唔知佢喺邊度搵出嚟!」她強調絕不會以肉體作搵食工具:「無論係幾多錢,都唔會出賣自己肉體!」

Yoki直言當女孩子,一定要識保護自己,尤其是她任職模特兒,一不留神,便很容易「蝕底」,她說:「初入行試過畀人影裙底,做Model經常去唔同場合,有啲地方比較多人,有時會有啲怪叔叔行近。嗰次做完嘢,第二日有朋友話我聽先知我畀人影,佢Send咗個專放偷影女仔裙底相嘅網站畀我,我竟然發現見到自己。依家我學識一定要打底,就算畀人影到,人哋都唔會見到啲咩。」

為備戰辭職

曾攻讀英國布拉福德大學(University of Bradford)工商管理遙距課程的Yoki,相比其他佳麗,學歷未算突出,加上她初面試便收到飯局邀請,令她壓力倍增。然而能在舞台上發光發亮,是Yoki姑媽臨終前對她的遺願,故Yoki一定咬緊牙關面對,她說:「上年我姑媽過咗身,佢一直留意我做模特兒嘅工作,佢臨走時話好想睇到我喺舞台上發光發亮。我都知參選港姐會有好大好大嘅壓力,會好快畀人起底,又會有輿論上壓力,不過因為姑媽呢個心願,畀到勇氣我踏出呢一步。」

Yoki大半年前辭去now TV體育節目《Everyday》主持一職,被問到是否為備戰而辭職?她未有否認,並直言:「參選港姐嘅念頭萌生咗好耐,我都做咗好多準備。」問她為何不參加ViuTV的選美真人騷《美選D.n.A》?她即時「賣口乖」笑言港姐極富代表性:「因為港姐歷史悠久,係最傳統嘅,我相信做港姐係好多女仔由細到大嘅夢想。」

更多新聞,請瀏覽東方日報網頁:
http://orientaldaily.on.cc/