大女搶妹妹玩具 鍾麗淇見到變化感開心

20160612
東網電視
更多新聞短片
鍾麗淇見到大女搶細女玩具,睇到大女變化感到好開心。

藝人鍾麗淇(Margaret)、唱作人馮穎琪出席活動,與大家分享如何面對及接受子女的健康問題。Margaret的大女Isabella患有先天性疾病「四號染色體缺損綜合症」,她表示自從誕下細女Michela後,可以見到大女的變化:「大女5歲,細女7個月大,佢會搶妹妹玩緊嘅嘢,妹妹走去攞第二件玩具玩,佢又會搶,雖然佢曳咗,但我開心咗。」問到大女是否呷醋?Margaret謂不知道,但有告訴過大女即使有妹妹,自己仍然會愛她。她又指大女未能說話,要繼續接受語言治療,反而細女已經識爬、識食,成長得比大女快,所以自己亦曾經覺得不開心,但明白每個人的成長速度不同。

讚梁靖琪新歡人品好

至於可會再追仔?Margaret坦言:「唔追住喇,等兩個女相處好先,我未教番瑜伽,全職湊女,呢啲時間好重要,唔想miss咗,瑜伽永遠都喺度。」但透露暑假仍會為特殊兒童開班教瑜伽:「佢哋易教過大人,小朋友好天真,只係想玩同開心。」提到好姐妹梁靖琪(Toby)結交新歡陳基燊,Margaret表示一直贊成她交男朋友和結婚:「佢開心就得,但關於男性嘅嘢你問佢好啲,我都唔知佢姓陳,不嬲都叫佢『大隻佬』,ok嘅,佢人品好好。」又認為Toby不會因為曾離婚而有陰影或影響將來會否再婚:「佢又咁鍾意小朋友,我都叫佢不如嗱嗱臨生番幾個。」

最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結:
http://on.cc/redirect/entertainment