被指變臉 麥貝夷妙回:似唔似區文詩?

20160612
東網電視
更多新聞短片
大家又覺得似唔似呢?
久未露面的歌手麥貝夷出席商場活動,她透露簽了樂隊KillerSopa間公司,早前她到西班牙拍攝一個內地網上真人騷,她說:「係圍繞旅遊又有音樂元素嘅節目,喺節目度我仲要跳Flamenco dance,我一向手腳唔協調,成日輸,個節目仲有北京、馬來西亞嘅歌手。」在節目中她要說國語,她自嘲普通話唔掂,她笑說:「佢哋聽唔明我啲普通話。」
否認整容
講到被指變臉,麥貝夷笑說:「咁我似唔似區文詩呀?」因為初出道時經常被指兩人似樣樣,她說:「都有朋友咁講(變臉),我咪答佢哋係呀,我隆咗胸,不過失敗咗。」她笑言自己一向不上鏡,但她並沒有整容。
近年唱片業低迷,但麥貝夷都希望可以繼續唱歌,公司都會幫她出廣東新歌,談到昔日拍檔鍾一憲,她說:「我哋有聯絡,佢依家喺內地發展,佢好似喺大陸好紅,有次我喺內地啲地鐵站內見到佢啲海報,係成個站都貼滿晒!」
做義工照顧小動物
另外,麥貝兒早前做義工成為「暫托屋企」,負責照顧一些流浪或病患寵物,她說:「我照顧咗一隻有愛滋嘅病貓,照顧咗佢一年半,佢上兩星期走咗,我都好傷心,我爸爸最唔開心,為咗照顧佢有啲工作我都推咗,我會繼續做暫托屋企,睇吓有冇緣再照顧佢哋。」