左麟右李不再？阿倫：覺得好難再搞
20160615
東網電視
更多新聞短片
譚詠麟話左麟右李好難再合體。
譚詠麟（阿倫）出席《2016香港夏日流行音樂節．向雪懷一生中最愛作品演唱會》記者會，獲向雪懷送上新書，阿倫笑說：「今日跑馬喎，係經（馬經）嚟！」引得全場捧腹大笑！
同關淑怡開玩笑
當一眾演出歌手上台時，抵死的阿倫走到台邊，扮要扶一身黑Look的關淑怡，他說：「我又驚佢甩鞋！」重提對方早前在個唱甩鞋瘀事！期間又再次玩對方，手持《難得有情人》歌名字牌的關淑怡準備解釋獻唱此曲原因，阿倫搞Gag說：「歌係跟人，聽個歌名就知。」搞到關淑怡冇晒表情！阿倫接受訪問時否認取笑關淑怡，強調只是與對方開玩笑，他說：「冇事，佢知我玩同關心佢。（介紹好男仔佢識？）唔會啩，緣份嚟嘅，唔做媒人三世好，到時佢個仔會介紹。」
冇勸克勤留低
對於好友兼好拍檔李克勤傳以三千萬簽約英皇，阿倫說：「唔知，了解吓，幾錢就唔知，當然知佢動向。（做佢軍師？）咁大個人，唔使啦！」由於他與克勤同一經理人及唱片公司，問到克勤轉會會否感可惜？阿倫直認有唔捨得，他說：「唔捨得、感嘆、唔開心會有，手掌、手背都係肉，喺公司立場帶新人係好事，其實成件事半年前我已經知，當時第一時間同佢講，畀到錢就去啦，不過唔相信數目係咁少。（即係幾多？）聽講唔係咁少。」問到有否勸對方留低？阿倫說：「冇得勸，每間公司做法唔一樣，等佢出去闖吓！」
「呢個世界冇話邊個冇邊個唔得」
由於兩人合作的「左麟右李」叫好又叫座，不時舉行巡唱搵銀，問到「左麟右李演唱會」會否叫停？阿倫說：「覺得好難再搞，因為大家唔同公司，每間公司方向、手法都唔同，夾埋就費事喇。（搞個告別左麟右李演唱會？）唔需要，緣份嚟，呢個世界冇話邊個冇邊個唔得。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：