【而我不知道】盧慧敏懵盛盛問林峯叫咩名

20160617
東網電視
更多新聞短片
盧慧敏都係一時緊張口快快啫,點會唔識林峯呀!
混血索女盧慧敏(Amy)曾擔任林峯MV女主角,她在MV中小鳥依人地依偎着林峯,彼此又親暱地鼻貼鼻,令演出經驗不多的她大呼緊張!她讚林峯毫無架子,除了着她不用緊張外,更不時稱讚她做得好,並趁空餘時間大講拍攝場地的鬼故緩和氣氛,Amy卻自爆瘀事:「我太緊張,佢問我叫咩名嗰陣,我答:『我叫Amy,你呢?』真係好尷尬!」
太緊張唔敢同影帝影相
她透露拍攝當天在片場巧遇「男神」劉青雲,但礙於太緊張而不敢上前集郵,令她非常後悔:「其實我之前試過廣告試鏡,係會同青雲合作,不過嗰時冇乜經驗,所以冇中到。我好期待以後有機會同佢喺電影入面合作!」她又計劃報讀演戲課程自我增值。問到身高1米77,會否擔心高度限制了演出機會?她笑說:「如果有角色需要咁嘅高度,我估可能一做就中,一舉成名呢!」
服裝:N12H
場地:金域假日酒店Osteria意大利餐廳