拒談周永恒?趙頌茹:唔係朋友咪唔使講

20160617
東網電視
更多新聞短片
趙頌茹話做朋友要有共同價值觀,咁即係佢仲當唔當周永恒係朋友呢?
藝人趙頌茹(Yu)、黎芷珊、楊詩敏和杜如風以嘉賓身分在將軍澳電視廣播城拍攝無綫節目《男人食堂》。
講到今集主題為「再見亦是朋友」,問阿Yu是否覺得自己切合主題,與周永恒離婚兩年的她回答謂:「我覺得有經歷嘅人都可以嚟,你都可以!」問能否與前度做朋友,她謂:「做朋友要有共同價值觀。(再講前夫唔尷尬?)今日講『再見亦是朋友』嘛,朋友嘅朋友咪可以講囉!(都會講周永恆?)係講朋友嘅朋友嘛,唔係朋友咪唔使講囉!」又謂主持梁烈唯為多年好友,所以相關話題會點到即止:「其實我自己就過咗去㗎喇,做人最緊要係過咗去唔好提,亦唔好講啲傷害人嘅嘢。(父親節個問題解決咗?)父親節梗係同我父親過啦。(囡囡嘅父親呢?)小朋友嘅嘢唔再講喇,佢哋有佢哋嘅生活,我淨係講我自己嘅嘢。」