【霸氣姐姐】李霖恩6歲囡囡出手教細佬

在最近熱播處境劇《愛．回家之八時入席》上飾演「道具明」一角的藝人李霖恩，在家中是個廿四孝爸爸，育有一子一女。他在訪問時自爆忘記父親節是幾月幾日，因為只要子女一向孝順，根本每天都是父親節：「父親節呢日，我淨係知道自己要做《八時入席》嘅宣傳，我諗冇咩特別嘢會慶祝，可能夜晚唔使返工嘅話，可能一家人食餐飯。Um…我記得過去呢四年嘅父親節，都係做宣傳。好似情人節一樣，如果啲仔女對你好，日日都係父親節啦！」提起與子女的溫馨時光，李霖恩即時由心甜笑，指子女都記得他的電話號碼，經常致電給他。

3歲囝囝好硬頸

李霖恩曾與6歲大女Gianna一起參演無綫節目《爸B也Upgrade》，這對「父女檔」因而為人所熟。目前Gianna是小一生，也是家中的大姐姐，堅負照顧弟弟Gabriel的責任。李霖恩笑言她在家中很有「霸氣」：「食飯嗰陣囝囝喺度玩iPad，家姐會搶咗佢，跟住拎畀我，仲話『咁係唔應該㗎！』佢好清楚呢件事係錯嘅，佢會有啲咩唔啱一定會講，依家我都覺得好安慰，可以幫我照顧吓囝囝。」他又透露女兒志願是做老師，平時會當毛公仔是學生，認真搞笑。至於兒子Gabriel目前只有3歲，李霖恩說他很硬頸：「就算打佢都唔驚，例如佢好想食朱古力，我話唔得，除非畀我打吓，點知個仔就會伸隻手，叫我打佢，話打啦，咁就有得食！」

《八時入席》拍攝要求高

李霖恩在《八時入席》中有不少戲份，他透露今次比以往拍攝高要求得多，效果也變相更好：「今次比較特別，因為有毛舜筠坐陣，我哋拍攝時間比以前耐好多，啲燈打得靚咗，有要求，係好事嚟，出街大家睇到啲人啲境靚好多。」