【外啃內暖】黃光亮唔敢收岑麗香做契女
20160618
東網電視
更多新聞短片
黃光亮個樣雖然咁兇猛，但估唔到原來係咁識照顧人。
膝下無兒的黃光亮，坊間常笑他與王祖藍似樣而封二人為「失散父子」，現實中黃光亮明白「兒女債」之苦，故與結婚多年的太太有共識不會生兒育女。
情誼藏心中
而黃光亮在最近播完的《火線下的江湖大佬》結局中，將岑麗香收為契女。而現實生活中，黃光亮與香香感情亦十分要好，香香更有感這位前輩是自己的「心靈雞湯」，故一度想上契。但後來黃光亮認為上契責任很大，與香香商討後，大家有着同一感覺，亦不想兒戲了事，故最後決定將結誼情緣留在心中。
黃光亮接受《東網》訪問時稱：「我同香香都係玩認真，唔想求其，亦唔需要名份，感情好放喺心裏面就得！（契仔、契女多嗎？）我都有兩個，一個美國一個加拿大，佢哋會有表示嘅，冇嘅話實畀我鬧！」
香香感激黃光亮照顧
身在加拿大的香香，則越洋感謝黃光亮對她的照顧：「其實我一開始拍《火》時唔認識黃光亮，但兩人嘅友誼係角色帶嚟，亮哥好撐我，當我遇到NG時，佢會叫我慢慢放鬆，搵解決方法，我覺得有亮哥哥喺身邊好開心！（上契？）播到結局時有人問我哋係咪真上契？我哋諗過嚟真嘅話會有壓力，所以覺得Keep住友誼就OK！」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：