徐小鳳都不滿Faith？

MK POP組合Faith的第二代成員Dawn（鄧鈞耀）因自拍半裸照上載網上、私下接job、推job等違約行為，被所屬公司「我的創意製作有限公司」追討責任，今日由「我的創意製作有限公司」負責人Percy Wong（黃振忠）舉行記者會交代事件，並向傳媒發出聲明。

問到公司是否抽9成佣？Percy承認，之後交由公關Venus（姚嘉兒）向大家解釋，Venus謂：「第一年可能抽9成，但第二年已經係8比2，第三、四年就已經同其他行內水平嘅合約一樣。因為『我的創意』嘅投資唔需要歌手負責，有啲歌手可能要出碟，就要問公司借錢做製作費，但『我的創意』就唔係，公司需要回本期，所以第一年抽得比較大嘅比較，歌手都唔會有太大風險。」

「佢表達咗小小不滿」

而Faith曾與多位前輩歌手合作，問到Faith對待前輩的態度？Percy指去年徐小鳳邀請Faith參與慈善活動，並一起演出，但就發生了一件尷尬事：「練完歌徐小鳳請我哋食飯，Dawn就話要早走，我都O晒嘴，但佢都去咗陣，徐小鳳好好咁逐個教佢哋，例如叫佢哋唔好掛住玩手機。之前徐小鳳話覺得佢哋歌藝好，提出想搵佢哋幫手做和音，但個餐飯後，佢同我哋嘅接頭人、中介表達咗小小不滿，令我哋公司有蒙羞感覺，亦都對佢好抱歉。」

Percy指之後會讓16歲的成員Sky擔任Faith隊長，希望選出的新成員是與他相近的年齡及外觀：「以青春、健康為主，絕唔會沾染性感。Faith係團隊嘅中心思想，我哋會更加努力去達成青年人嘅榜樣！」問到如何防止新成員違約？他說：「我哋搵咗臨床心理學家，係揀新成員前做一個talk、心理輔導，了解多啲先簽佢。」