單方面申請離婚　裕美認有同黃子恆聯絡

人妻歌手裕美傳與無綫藝人黃子恆發生婚外情，其老公林恩浩（Jason）日前更拍片及公開急召黃子恆認愛，而黃子恆亦已就未有搞清楚裕美及其老公關係而認錯。

裕美剛剛亦為無綫劇集《心理追兇Mind Hunter》於九龍灣拍攝，更接受了傳媒訪問，裕美朝早九時多現身，神色凝重兼眼腫腫，她坦言2014年與Jason中間發生了一些事，但細節不欲多談，當時自己努力包容、容忍，但那段時間很驚，亦感到不安及不安全，更指不懂處理，坦言之後去到一個地步，感到不可以一起生活下去，故搬了到好姊妹家，她謂：「我唔係一個善於表達自己嘅人，唔識得去處理，已經決定離婚，但係又唔想刺激對方，所以唔知點處理。」

聲沙受訪　與黃子恆關係：係好朋友

裕美接受傳媒訪問時聲沙沙，又坦言自己單方面申請離婚當中，律師亦處理中，她指與黃子恆今年開始了一段感情，坦言事件上自己處理得不好，只跟對方說跟丈夫分開了，並真心抱歉謂：「喺呢段婚姻上大家都有唔啱嘅地方，最唔希望影響到Jason嘅家人及朋友，同埋自己嘅家人同朋友，對唔住。多謝朋友呢段時間對我嘅關心同照顧，我係想繼續專注拍劇同處理自己事情，希望大家畀多啲空間我，多謝大家咁熱（天氣）都仲等我。（自己事情是否指家暴？）唔方便回應，因為依家搞緊離婚。（依家講出嚟係咪解脫？）我唔係點識去表達，今次係第一次咁真情講出嚟，都算一個突破。（覺唔覺得累咗黃子恆？）好抱歉，我真係唔想影響到任何人。（依家同黃子恆感情狀況點？）好朋友。（男、女朋友？）呢啲唔交代嘞！（佢尋日拍段片算唔算公開關係？）我又唔覺得喎！但我哋溝通過咁係會保護到大家。」訪問期間，裕美曾向傳媒鞠躬，以示歉意。

望與Jason離婚後仍能做朋友

她坦言這幾天與黃子恆都有聯絡，互相慰問，問到會否發展下去，她表示暫不回應。問是否怕黃子恆覺得她瞞騙，她謂：「如果係咁好抱歉，我只係一個女人，好多嘢唔敢同人講，就算係家人，都要好大勇氣先講到。（Jason話被離婚！）依家已交由律師處理，佢冇搵過我，我希望做唔成夫妻都可以做到朋友，希望大家可以冷靜啲面對。」開工時，她只是拍攝簡單場口，對白不多；期間為了拍攝，裕美都有擠出笑容，亦有跟同場的王君馨傾偈。

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment