【舊衫有段故】安仔再搵黎明合照順其自然

歌手許志安出席餐廳開幕禮，表示是來支持朋友，問到他可有興趣做生意？他表示沒有想過，因自己不是這方面的人才，故都是專注娛樂事業，但不知將來的事。至於講到最近他和黎明30年前的舊照在網上瘋傳，連許太日前亦笑他當時像笠了絲襪，對此他笑言：「依家係咪先？最緊要依家，情人眼裏出西施，最緊要人有進步，如果30年後係咁就弊 ，不過都係講笑啫。（會唔會笑番佢？）唔用呢啲嚟講笑。」

搬7次屋仍KEEP住

講到安仔還抽自己水，穿上30年前的舊衫拍照，更甫上網，對此他笑言：「搞笑，難得新聞咁正咁開心，冇殺傷力，係軟性新聞，不過真係寫得幾似，幾好笑。」他亦謂該件衫很有紀念價值：「係我家姐送畀我，嗰陣比賽要去面試，所以着靚啲，我仲當佢係戰衣，可能係因為件衫令我入圍，而唔係唱得好，所以件衫好重要，又係家姐送，所以我仲有keep住，全部演唱會衫幾貴都好，我都冇keep，但呢件衫我搬咗7次屋都仲有keep，所以有啲人話點解件衫咁乾淨，係因為我有用膠袋入住。」他亦表示有保存跟太太去旅行的酒店房卡及爸爸送的懷舊手錶。

最驚曱甴

講到有網友想他和黎明影張30年後的合照，安仔謂：「唔使咁刻意嘅，總之有機會。（有冇諗定個post打咩？）冇，唔使咁，自然就得，不過網上可以搵番好多遺失嘅嘢，太好。」而講到許太笑他，問他可會嬲？他則謂：「男人嚟，點解要嬲。（佢試過做乜令你最嬲？）有次佢send咗張曱甴相嚟，我就叫佢唔好再send，因為我驚曱甴，嗰次一打開就電話都唔想要。」

燒泳褲洩忿

另外，他亦講到現時努力為巡唱操肌：「想練得大隻啲，仲諗住遲啲約同事一齊去沙灘。（着之前畀人影到嗰條白色泳褲？）唔係，係着滑水褲，嗰條泳褲已經畀我剪爛，仲要逐塊攞去燒，真係扔咗，因為冇乜價值。」他表示希望八月中前操fit，目標想操到人魚線。