胡杏兒踩過界　網民大讚唱功勁

藝人胡杏兒雖然於去年年底升呢為人妻，但仍然熱愛喺娛樂圈工作嘅佢繼續為演藝事業打拼。最近佢上咗內地節目《跨界歌王》擔任參賽嘉賓，以英國靚聲天后Adele嘅金曲《Someone Like You》為比賽歌曲，難度咁高嘅歌竟然畀佢順利過關之餘，仲獲得評判同現場觀眾讚賞添！

原來出過碟

曾經喺無綫一姐嘅胡杏兒喺演技方面當然得到認同啦，大家仲記唔記得佢其實係半個歌手嚟呢？有好網民話估唔到原來佢擁有「巨肺」咁長氣，大讚唱功勁，輕易就順利通過現場觀眾嘅全民投票。胡杏兒之前唔單止為幾套電視劇主唱主題曲，仲推出過唱片添，佢嘅唱功唔係流㗎！

金句多多全場拍爛手掌

除咗唱功令所有人吃驚之外，胡杏兒仲爆出多句金句：「其實我是一個非常相信愛情的人，所以我自己理解這個歌，雖然就是聽上去是非常悲傷的，但是我是抱着一個正面的態度去唱。悲傷當中其實雖然是你走了，但我期待的是我能找到真命天子。」另外仲有一句：「我覺得我來到跨界歌王，不一定要成為王，但是一定要跨界。」講完之後，所有評判同觀眾都大力拍掌表示認同，胡杏兒果然厲害呀！

網民有話兒

Cxxa Flxxxnce Y x xu：胡杏兒首「幸而」係堅好聽㗎！我期待佢唱歌好耐啦，超級夠氣

xxy xaw：他第一首歌叫一加一，唔知重（仲）有無人記得，電台歌無出碟

Lxx Huxx：堅係起雞皮！好聽

Axxa xee：有太多鼻音　選錯歌

余X：有d音有d怪，整體都ok