【退居幕後】王喜擲7位數搞比堅尼遊戲節目

由藝人王喜投資、兼任製作人及導演的遊戲節目《喜樂無窮.塞班島》於觀塘進行面試。王喜表示節目自己有份投資一半，另一半由本地的基金公司投資，自己投資近七位數字。他又指今日會從九位參賽者中挑選5位，並於7月1日飛到塞班島拍攝五集的節目。他又指今日不會公布入圍名單，因公布入圍者亦是節目內容之一，預計ViuTV將於九月或十月播出。

參選三大原則：冇紋身

問到總共收到多少份申請？他說：「都有200-300份，但有三個原則，要冇紋身，冇刑事案底同19歲以上，冇紋身呢一項已經out咗八成人。」他解釋指因節目會發行到回教國家，故擔心紋身會有所影響。

已封蝕本門

至於有沒有參加過其他選美活動的佳麗前來參加，他表示沒有，並謂搞節目並非為了對撼無綫，他說：「我係製作方，係賣畀其他平台播，點樣排節目係佢哋決定，依家有星馬、內地同ViuTV買咗。」他又指節目已封蝕本門，又笑謂是賺錢給投資者，自己則是「打份工」。

前後共拍三輯

問到節目會否添食？他說：「第二輯會搵5個男仔去另一個島拍，第三輯就係之前嗰兩輯嘅女仔同男仔去。」又笑指第二輯的男參賽者，將以三角褲示人。

笑言着泳褲示人

問到去塞班島拍攝會否很激？他說：「會利用三點式嘅特質去設計遊戲，而且唔喺香港拍個戒備心會低啲。」他笑指因拍攝成本貴，故未有安排嘉賓，而擔任導演的他亦不會出鏡，不過經記者再三追問下，王喜竟笑謂可考慮以三角褲示人。提到有兩位參賽者因遲到被out，王喜表示節目要講紀律，遲到絕不姑息。成立了兩間製作公司的王喜，指現時多從事幕後工作，如幕前有邀約亦會考慮參與。