邱美薇遊星洲落錯車去錯景點都唔知

藝人邱美薇（Chelffy）早前終於放大假，與朋友到了新加坡五日工作兼遊玩，此趟她先出席功夫交流會及晚宴，並以網上功夫節目主持身份專訪功夫師傅，跟世界各地武林高手見面令她大開眼界。工作過後她終有時間出外遊覽，分別到了牛車水唐人街、Haji Lane、小印度、著名地標魚尾獅等地遊覽，亦吃了很多特色食物，及到了聖淘沙玩高卡車。

自由行的Chelffy全程拿住地圖及旅遊書周圍行，但人生路不熟，她在當地則遇到的士司機載錯地方的搞笑事件：「有一日搭的士想去小印度，我攞住地圖指畀佢睇，唔知我指錯定佢睇錯，點知佢車咗我哋去Singapore River Raffles Place嗰到，以為我哋想搭船觀光。落車嗰刻我哋真係以為到咗，因為左右兩旁都有啲小店鋪賣印度嘢，但行行吓就覺得奇怪，點解全部都係海鮮餐館，跟住睇地圖先知原來去錯地方，之後就將錯就錯，喺嗰到周圍行吓。」幸好最後有驚無險，樂天的Chelffy回想起此事都謂覺得很搞笑。

此外，Chelffy亦在當地會合好友柯嘉琪（Kiko）一齊食胡椒蟹，之後更齊齊殺落當地著名夜店蒲，她更以低胸戰衣上陣：「開頭唔知新加坡有夜店玩，所以冇特別諗住去蒲，點知Kiko識路就帶我去蒲，佢同行有男有女，但啲男性朋友好保護我哋啲女仔，變咗當我哋想周圍行時佢哋都?住，驚我哋畀人溝。（咁咪阻住你哋溝仔？）係囉，佢啲男仔朋友阻住我哋去溝仔，同埋阻住我哋畀仔溝。」