Baby添食在望　導演望年輕演員拍《天煞3》

《天煞地球反擊戰》（Independence Day）名導羅蘭伊馬力（Roland Emmerich）事隔20年執導的續集《天煞地球反擊戰：復甦紀元》（Independence Day：Resurgence，簡稱《天煞2》）近日於各地熱映，羅蘭伊馬力日前於訪問中大方劇透，仲要透埋下集劇情！

佢話拍第三集會講「星際之旅」，但主戰場仍於地球，又謂：「故事將發生於《天煞2》的一兩年後，希望電影中的主要角色，尤其呢批年輕演員都能回歸，謝夫高拔林（Jeff Goldblum）同Brent Spiner都會參演。」即係今集新演員之一的Angelababy都有望添食！而羅蘭伊馬力仲自言唔希望被別人拍自己的故事，確認下集都係自己執導！

《天煞2》故事講上集20年後，人類暫享和平，仲利用外星人科技作防禦，準備隨時再戰外星人，但遭外星人突襲時驚覺實力懸殊，再次打不可能的仗。五個年輕演員Angelababy、里安漢斯禾夫（Liam Hemsworth）、Malik Monroe、Jessie Usher及Travis Tope演戰機機師落場打外星人，下集有望上宇宙探險。