林泳淘恨接泳衣騷：希望有公司搵我！

TVB三位咪神張秀文（Sammi）、陳婉衡（Alycia）及林泳淘（Wingto）到會展出席《香港動漫電玩節2016》，她們齊齊穿上為宣傳myTV SUPER打造的新造型，Sammi及Alycia低胸上陣，反而Wingto較密實，她笑說：「我係三個入面最唔值得行性感嗰個！」Alycia即幫她解畫：「公司係跟番大家形象，Sammi係女人啲，Wingto可愛啲，我就Cool啲。（同Sammi暗地鬥性感？）唔會啦，由公司安排，我好鍾意自己嗰套衫！」

Alycia透露已接了泳衣騷，最近密密Keep Fit希望有更佳身段：「食得清淡咗，以前飲食唔定時又唔健康，依家覺得個人精神咗。」Wingto則表示因離港關係，錯過了一個接泳衣騷機會：「希望其他公司可以搵我，我會根據價錢衡量！（怕唔怕身材唔夠撼？）大家唔同路線，好似Alycia係超陽光型，我就鄰家少女Feel。」