楊明傷膝見骨仲想拍　湯鎮業：好大個窿

藝人楊明今日為無綫劇《心理追兇MIND HUNTER》一場駕駛電單車外景時，意外受傷至膝蓋爆裂見骨。

同場與他一齊拍外景的湯鎮業，亦知道對方受傷，心痛之餘更讚揚對方專業精神可嘉：「現場見到佢個膝頭爆開咗，好嚴重，好大個窿，我都想死！場戲係拍佢要飛車，可能想效果好啲，佢自己揸番，可能佢唔係揸得好叻，後生仔真係搏，唔知危險，出咗事，佢仲話想繼續拍，文戲補大頭喎，我話點拍呢？個傷口咁深，佢面都青埋，我見到都心噏，依家無綫啲藝人真係精神可加，我就叫佢入院，成班演員就繼續拍緊呢場重頭外景，我哋都遠距鼓勵楊明㗎！」