監製憶述炒車過程:楊明有責任心

20160629
東網電視
更多新聞短片
炒車後,監製王偉仁(左圖)停止了楊明的拍攝工作,立即找工作人員陪他到醫院接受治療。

藝員楊明為劇集《心理追兇MIND HUNTER》拍攝外景時受傷,傷口更深至見骨,被急送往醫院治療。

該劇監製王偉仁在拍攝現場接受訪問,詳述意外發生經過:「今日係一場湯鎮業嘅自殺戲,楊明揸電單車去救佢,楊明之前試咗好多次位都冇事,點知正式拍就發生咗意外,其實係一段好慢同好短嘅路程,佢想扶住部電單車,唔覺意撞咗上石壆,左腳膝頭撞到石壆。(有倒地?)冇,佢一直扶住部電單車。(今日第幾日開工?)都拍咗十幾日,今次係預咗用替身拍,係補番幾個鏡頭,佢之前都試咗幾次位冇事,加上楊明知自己要拍電單車戲,都有去操,點知今日第一場就受傷。」

監製稱讚楊明有責任心,雖然受傷,但仍想繼續開工,加上楊明戲份吃重,但監製堅決暫停楊明的拍攝,安排工作人員陪他前往醫院檢視傷勢。由於今日已經安排拍攝爆破場面,餘下的拍攝工作會繼續進行,而楊明的爆破戲份會由替身拍攝。