衛蘭感激黎明賞識:跟佢十年似足拍拖

20160629
東網電視
更多新聞短片
衛蘭話冇黎明(紅圈)就冇佢今時今日,所以佢要多謝黎明。

歌手衛蘭(Janice)現身TVB娛樂新聞台節目《StarTalk》,大談轉唱片公司後感受。Janice表示轉會前有一段時間無公司及經理人的幫忙,只能透過與朋友傾訴:「所有事都靠自己傾,好驚,唔知自己嘅決定係啱定係對,當時找身邊朋友如王君馨傾訴,因為佢都係藝人,所以明白我,而且佢個人比較正面同Sweet,成日都鼓勵我。」

唔會怪責黎明

對於離開舊老闆黎明,Janice表示有不捨:「其實我唔會怪任何人,我反而會感恩佢曾帶領我,冇佢我冇今時今日,我要多謝佢。我跟咗Leon十年,好似拍拖咁,Leon係一個相信命運的人,所以佢唔會怪責我走,佢亦為我開心,叫我加油!」

有向公司推薦妹妺

談到妹妹衞詩(Jill)兜兜轉轉變回跟自己同屬一間唱片公司,Janice表示:「妹妹有得再唱歌,比起自己唱歌仲開心,之前事件(藏毒事件)令佢冇得唱歌,但佢係需要面對,對佢嚟講係一件好事。」Janice承認有向其公司推薦妹妺,但絕不是外界所講的「買一送一」:「Jill咁好條件同有Talent,公司知佢唱得,跳舞又OK所以先簽佢。佢跳舞同唱Up Beat嘅歌比較叻,所以我會留呢條路畀佢,自己唔唱,咁就唔怕比較。」