【完美叛侶】陳豪試探邵美琪

20160630
東網電視
更多新聞短片
無綫新劇《完美叛侶》,將於七月四日晚上八時三十分首播。

由陳豪(阿Mo)、邵美琪(Maggie)、黃智賢(Ben)等主演的無綫新劇《完美叛侶》,將於下周一(四號)晚上八時三十分首播。阿Mo與Maggie飾演一對識於微時的夫妻,一齊經歷喪父之痛,並在太太支持下由地盤工人成為事務律師。不過阿Mo因事業疏忽家人,更因種種誤會而充滿猜忌,眼見丈夫失去理念的Maggie大感失望,面臨婚變。

考驗演技

阿Mo雖然懷疑Maggie與Ben搞婚外情,但深愛太太的他仍嘗試挽回感情,更不惜一切保護對方。監製歐耀興指《完》劇有不少複雜的內心戲,對於二人演出大感滿意:「今次角色好考驗演出技巧,仲需要演員本身嘅人生歷練,特別係阿Mo,婚姻關係已經去到離婚嘅地步,但佢依然深愛Maggie,寧願被千夫所指都唔想太太被牽涉入案,由佢演出好有說服力。」

Ben在劇中飾演事務律師,與Maggie自小青梅竹馬,單戀對方多年的他無緣展開戀情,更被陳豪誤會是第三者。Ben透露在劇中飾演一位「暖男小三」,他稱:「雖然今次都係做律師,但竟然係以感情戲為主,呢個角色冇諗過要破壞Maggie嘅婚姻,係冇侵略性,只係想默默守候,所有做嘅嘢係出於保護,自己睇番都覺得幾感動。」

湯洛雯鬧黃智賢嗌到聲沙

無綫小花湯洛雯在新劇中與飾演姐夫的黃智賢(Ben)有不少對手戲,更對Ben有好感。她透露:「喺劇中演Ben姨仔,睇落係似兄妹,大家會鬥氣互寸,其實我係暗戀佢,但唔想講出嚟,想默默幫佢同支持佢。」

談到與Ben演感情戲,湯洛雯笑說:「同佢第一次演對手戲,識佢之前覺得佢好cool,原來佢都係傻傻哋, 為人好nice,好肯教我嘢,大家合作落先咁有默契。」她難忘鬧爆Ben的一場戲:「有一場係佢放我飛機,搞到我感冒,一見面就鬧爆佢,鬧到佢一步步咁退。呢場戲拍咗兩、三次,真係鬧到聲都沙,似真係感冒咁,諗番都覺得好笑。」

朱敏瀚吳沚默為理想追夢

朱敏瀚在《完》劇飾演陳豪的弟弟,其兄長出於關愛對其人生的一切都有鋪排,而朱敏瀚亦遇上飾演紋身師的吳沚默而感到迷惘,熱愛音樂的他在女方支持下找到人生目標, 嘗試追夢,但遭陳豪反對,令兄弟關係漸漸疏離。

吳沚默在劇中犧牲清純形象,染了一頭金髮演打扮前衞的紋身師,後來因捲入官司而背負債務,被迫做援交償還,卻令朱敏瀚捲入命案。兩位年輕人為未來掙扎、追尋理想的決心,令陳豪重新思考,決定重新出發尋回最初的理念。