被問有冇造人 伍詠薇勁興奮:你哋好鹹濕

20160630
東網電視
更多新聞短片
伍姑娘旅行完返嚟勁風騷。
藝人伍詠薇老公練海棠早前被指偷食大波女,搞到伍姑娘要親自向傳媒鞠躬道歉。近日伍姑娘於社交網上載三亞旅行相,當中更有唔少兩公婆的甜蜜合照,似乎偷食風波已告一段落。
再撐老公:佢冇做錯
今日伍姑娘抱住輕鬆愉快嘅心情,去尖沙咀為有線拍攝飲食節目,不過當佢見到有記者在場時,即刻落定閘話:「我唔會答嘢,多謝!多謝!」問到係咪已經原諒咗老公,佢就笑住回應:「冇做錯,咩原諒啫!多謝關心!」
聽日係佢哋結婚17周年,問到三亞旅程係咪老公悉心安排嘅預祝活動,伍姑娘即表現錯愕,更反問記者點知道佢哋結婚周年?之後她停頓咗一秒再自嘲謂:「係喎!係我自己講,好衰㗎啫自己。」問到與老公玩得咁開心,有冇順便造人時,伍姑娘聽到造人二字時,即顯得相當興奮,並笑謂:「哈哈哈!你哋好鹹濕!多謝關心!」講完就入?上樓開工。