梁愷庭奪冠搞祝捷會　黎小田到賀！

歌手梁愷庭（Emana）參加咗《2016中國好聲音》，於陽江賽區擊敗700名對手奪冠，呢日佢喺銅鑼灣舉行祝捷會，圈中好友黎小田、鄧建明（JoeyTang）都有出席。Emana表示喺香港某平台見到呢個歌唱比賽，抱住同內地歌手交流嘅心態參加。佢坦言：「見佢招緊香港歌手，覺得試吓無妨，當同內地啲歌手交流吓，同識多啲朋友。」佢又表示嚟緊會參加廣東賽區比賽，如果可以入到三甲就可以打入全國比賽。

而到賀嘅黎小田就話識咗Emana好耐，而Emana細細個已經識佢，覺得佢嘅唱功唔差，之前亦有合作過。