【那些年的童星】Jacky仔中學畢業喇！

那些年…我們一起看過的童星－Jacky仔…………

係咪一講就知係邊個呢？人稱Jacky仔嘅王樹熹，2004年起就演出多套劇集，細個時候嘅佢，拍劇時表情多多、得得戚戚、演技真摰，成功奪得萬千觀眾芳心！真係大佢少少都會鍾意咗佢！但係點解會冇啦啦講起佢？咪就係因為佢中學畢業喇！

薛家燕表錯情

依家17歲嘅佢，雖然變咗好多，但細個嘅輪廓仲喺度，佢嘅招牌露齒笑依然冇變！而同佢喺2004年合作拍《皆大歡喜》時裝版嘅家燕媽媽薛家燕知道Jacky仔畢業，都喺微博恭喜對方！之不過呢，家燕媽媽留言：「轉眼間大學畢業了！」中學畢業都變大學畢業，真係快過轉身射個三分波呀！雖然Jacky仔已經冇拍劇，但間唔時都有出席吓活動，唔知佢大個會唔會入行呢？

哥哥21歲喇

講開又講呀！記唔記得Jacky仔仲有個哥哥都係童星嚟㗎？佢係Jeffrey（王秉熹）呀！佢同細佬感情仍然非常好，依家佢都21歲了，都差唔多大學畢業喇！嗚…又要感嘆時間過得真係快！

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment